फागुन - २१ । अफगानिस्तानको तल्लो सदनका एक सदस्यमाथि दक्षिणी प्रान्त कान्दहरमा शनिबार गोली प्रहार भएको छ । हेल्मन्ड प्रान्तका सांसद मलिम मिर वालीमाथी शनिबार बिहान आक्रमण भएको सरकारी उच्च अधिकारीले जानकारी दिएका छन् । आक्रमणबाट उनी गम्भीर घाइते भएका छन् । उनको अघिल्लो भागमा गोली लागेको छ । कान्दहर क्षेत्रीय अस्पतालमा उनको उपचार भइरहेको उनीहरुको भनाइ छ ।घटनाकाबारेमा अनुसन्धान गर्न प्रान्तीय प्रहरीले टोली खटाइसकेको जनाएको छ । चाँडै नै दोषीलाई पक्राउ गरी घटना विवरण सार्वजनिक गर्ने प्रहरीले बताएको छ । आक्रमणको अहिलेसम्म कुनैपनि समूहले जिम्मेवारी लिएको छैन । गत वर्षमात्रै अफगानिस्तानभरि भएका यस्ता आक्रमणमा परी ६५० भन्दा बढीको मृत्यु भएको र अरु ५६० भन्दा बढी घाइते भएको संयुक्त राष्ट्रसंघीय निकायले जनाएका छन् । सिन्ह्वा

Afghanistan