ट्रम्पकी छोरी इन्वाका तथा पूर्वराष्ट्रपति केनेडी पढेको विद्यालयमा वषौँदेखि यौन शोषण
बैशाख – २ । चार दशकसम्म अमेरिकाको एक चर्चिच बोडिंग स्कूलका १२ शिक्षकले छात्रामाथि यौन शोषण गरेको घटना बाहिर आएको छ । अमेरिकको कनेक्टिकटस्थित चोट रोजम्यारी हल नामक बोडिंग स्कुलमा भएको यौन शोषणको घटना बाहिर आएको हो । यौन शोषणको घटना १९९०को दशक भएको हो । स्कूलले पनि उक्त आरोप स्वीकार गरेको छ । सो घटनाको बारेमा स्कूलले आन्तरिक जाँचसमेत गरेको थियो । जाँचपछि स्कूलले आफ्नो विद्यालयका शिक्षकले गम्भीर गल्ती गरेको भन्दै माफीसमेत मागेको थियो । स्कूलले केही महिना अघि यौन शोषणको घटनाकाे स्वतन्त्र जाँच गराउने अनुमती दिएसँगै वितिसकेको घटनाले फेरि अन्तर्राष्ट्रिय मिडियामा चर्चा पाउन थालेको छ । याे घटनालार्इ १९८०को दशककै सबैभन्दा ठूलो यौन शोषणको घटना मानिए छ। तर, वर्तमान समयमा भने उक्त स्कूलका कुनै शिक्षक तथा कर्मचारीमाथि यौन शोषणको उजुरी छैन ।
सो बोडिंग स्कूलमा पूर्व अमेरिकी राष्ट्रपति जान एफ केनेडी र वर्तमान राष्ट्रपति डोनाल्ड ट्रम्पकी छोरी इन्वाका ट्रम्पले अध्ययन गरेका थिए ।
रिपोर्टका अनुसार १९९९ मा एक स्पेनिश भाषाका शिक्षकमाथि शैक्षिक भ्रमणका दौरान विदेशमा १७ वर्षीया छात्रालाई स्विमिंग पुलमा बलात्कार गरेको आरोप लागेको छ । यौन शोषणको घटनामा प्रहरीलाई रोक लगाएर स्कूलले नै आन्तरिक जाँच गरी गुपचुपमा सल्ट्याएको रिपोर्टमा उल्लेख गरिएको थियो ।
सो स्कूलमा पढ्ने छात्राहरुले पनि आफूमाथि भएका यौन दुव्र्यवहारका घटना अरु कसैलाई पनि बताएका थिएनन् । त्यस्तै स्कूललाई पनि शिक्षकले छात्र–छात्रामाथि यौन दुव्र्यवहार गरेको थाहा भएको तर प्रहरीमा उजुरी नदिएको हालैको अनुसन्धानबाट खुलेको छ ।
त्यस्तै, कुनै यौन प्यासी शिक्षकलाई वर्षको बीचमा निकालिदा अन्य शिक्षकलाई एकदमै जानकारी दिने गरेको बीबीसीले बताएको छ ।
यौन शोषण
