वैशाख - १० । इजरायलले गोलनहाइट नजिकैको सिरियाली सरकारी सैन्य अखडामा आइतबार हमला गर्दा कम्तिमा तीनजना सिरियाली सेनाको मृत्यु भएको सिरियाली सैनिक अधिकारीले बताएका छन् । सैनिक अधिकारीले अलफवार शिविर नजिकैको कुनैत्रामा भएको उक्त घटनामा घाइतेसमेत बनेको एएफपीलाई बताएका छन् । तर, घटनामा हवाई आक्रमण भएको थियो वा गोलावारी थियो भन्ने नखुलेको बताइएको छ । सिरियाली मानवअधिकार नियमनकारी संस्था, ‘सिरियन अव्जरभेटररी फर ह्यूमन राइट्स मनिटरिंग’ले आक्रमण सेनाको हतियार भण्डारण केन्द्रलाई लक्षित गरी गरिएको उल्लेख गरेको छ । हमलाबारे इजरायली सेनाले भने समाचार तयार पार्दासम्म कुनै प्रतिक्रिया दिएको छैन । एएफपी