गुल्मी १६ बैशाख, इस्मा गाउँपालिका २ को खजुरे सामुदायिक वनमा भिषण आगोलागी भएको छ । शनिवार दिउसो १ वजेतिर वनमा लागेको आगो एक्कासी २ बजेतिर गाउँ पसेको थियो ।
जसका कारण इस्मा गाउँपालिका २ का नर बहादुर कुवंरको घरगोठ, साम बहादुर कुमाल र राम बहादुर कुमालको घर जलेर नष्ट भएको जिल्ला प्रहरी कार्यालय गुल्मीले जनाएको छ । घरमा भएका अन्तपात, लत्ता कपडा लगायतका सवै सामाग्री जलेर नष्ट भएपछि पीडित छिमेकीको आश्रय लिएर बसेको स्थानीयबासी समेत रहेका पत्रकार अनिल खत्रीले बताए ।
अत्यधिक गर्मी र हावाहुरीका कारण आगो नियन्त्रण बाहिर रहेको थियो । जिल्ला प्रहरी कार्यालय, स्थानीय, जिल्ला वन कार्यालयको टोलीले दिनभर आगो नियन्त्रण लिने प्रयास गरेको भएपनि आगो नियन्त्रण हुन सकेका थिएन । साझँपख पानी परेपछि भने आगालागि नियन्त्रणमा आएको जिल्ला बन कार्यलय गुल्मीले जनाएको छ ।
Fire
