काठमाडाैँः स्थानीय तहको निर्वाचनको मौन अवधिमा ६२ सञ्चार माध्यमका ११५ सामाग्रीमा पत्रकार आचारसंहिता तथा निर्वाचन आचारसंहिता उल्लङ्घन गरेको प्रेस काउन्सीले जनाएको छ । सामाजिक सञ्चाल फेसबुकबाट पोष्ट गरिएका १० उल्लङ्घनका उजुरी परेका छन् ।

‘बैशाख १५ देखि २०७४ बैशाख २८ गतेसम्मको अबधिमा छापातर्फ ३४ माध्यममा ६६ सामग्री, बिद्युतीयतर्फ १८ अनलाइनका प्रकाशित÷प्रसारित २५ सामग्री, ५ वटा टेलिभिजनका १२ सामग्री र ५ वटा रेडियोका १२ सामग्रीले आचारसंहिता उल्लङ्घन गरेको पाइएको छ,’ काउन्सिलका मुख्य अधिकृत झविन्द्र भुसालले भने– ‘पत्रकार आचारसंहिता तथा निर्वाचन आचारसंहिताको उल्लघंन गर्ने छापा ३, रेडियो ५, टेलिभिजन ५ वटाको तुरुन्तै एलर्ट गरिएको छ ।’

आचारसंहिता आकर्षित भएका विषयवस्तुमा एकपक्षीय तथा सत्य, तथ्य र निष्पक्ष नभएको, निर्वाचन आचारसंहिताले तोकेको समयसीमा अनुरुप विज्ञापन प्रकाशन÷प्रसारण नभएको, निर्वाचनसंगसम्वन्धि सभा, सम्मेलनको प्रत्यक्ष प्रसारण गरेर उल्लङ्घन गरेको पाइएको काउन्सिले जनाएको छ । निर्वाचन आचारसंहिता अनुगमनको जिम्मेवारी पाएको प्रेस काउन्सिल नेपालले गुणात्मक अनुगमन प्रणालीको दैनिकरुपमा र संख्यात्मक अनुगमनको साप्ताहिकरुपमा निर्वाचन आयोगलाई रिपोर्टिङ् गर्दै आएको छ ।

Press Council Nepal