ग्रीसको उत्तरी क्षेत्रमा रेल दुर्घटना हुँदा तीन जनाको मृत्यु भएको छ भने केही गम्भीर घाइते भएका छन् ।

एथेन्सबाट आइरहेको उक्त रेल थेसालोनिकी सहरबाट करिब ४० किलोमिटरको दुरीमा दुर्घटना भएको हो । सो रेल लिक छोडेर एउटा घरमा ठोक्किएको थियो ।

७० यात्रु चढेको उक्त रेल दुर्घटनामा मृत्यु हुनेको पहिचान भइनसकेको बताइएको छ । रेल ठोक्किएको घरमा बसेका एकजनाले आफू हामफालेर बाँच्न सफल भएको बताए ।

रेल लिकबाट छुट्नुको कारण अझै थाहा हुन नसकेको अधिकारीहरु बताउँछन् ।

 

मृत्यु ग्रीस रेल