धादिङमा उम्मेदवार नै नभएको चुनाव चिन्हमा ५३६ मत परेको छ । बेनिघाट रोराङ गाउँपालिकाको वडा नं. १ मा अध्यक्ष पदमा उम्मेदवारी नदिएको नेपाली कांग्रेसको चुनाव चिन्हमा २ सय ६८ मत र माओवादी केन्द्रको उम्मेदवारी नभएको उपाध्यक्षमा २ सय ६८ प्राप्त गरेका छन् ।

बेनिघाट रोराङ गाउँपालिकामा माओवादीका तर्फबाट अध्यक्षका उम्मेदवार हरि डल्लाकोटी र उपाध्यक्षमा नेपाली कांग्रेसको तर्फबाट देवीप्रसाद सिलवाल उम्मेदवार बनेका थिए । काँग्रेस र माओवादी केन्द्रको तालमेलपछि यस गाउँपालिकामा काँग्रेसले अध्यक्ष र माओवादी केन्द्रले उपाध्यक्षको मनोनयन फिर्ता लिएको थियो ।
कांग्रेस माओवादीले आफ्ना मतदाता सम्झाउन नसक्दा यस्तो परिणाम आएको हो ।

संयुक्त उम्मेदवार भए पनि माओवादी केन्द्रको अध्यक्षमा ३ सय र उपाध्यक्षमा २ सय ६८, नेपाली काँग्रेसको अध्यक्षमा २ सय ६८ र उपाध्यक्षमा ३ सय १ र नेकपा एमालेको अध्यक्षमा २ सय ३६ र उपाध्यक्षमा २ सय ३५ मत ल्याएका छन् ।

 

धादिङ