जहाँ जहाँ तालमेल भयो त्यहाँ त्यहा जालझेल बाहेक केही देखिएन यो चुनावमा
स्थानीय तहको चुनावी नतिजा सार्वजनिक भइरहँदा केही रोचक रकेर्डहरु पनि बनेका छन् । अधिकांश स्थानमा मतगणना सकिँदा कतै उम्मेदवार त, कतै मतका रकेर्ड बनेका छन् ।
यो चुनावमा दलहरुले तालमेल गरेका छन् । तर तालमेलअनुसार परिणाम भने हासिल भएको छैन । बाग्लुङ नगरपालिकामा मात्र तालमेलअनुसारको परिणाम आयो । त्यहाँ एमाले, राप्रपा र राष्ट्रिय जनमोर्चाको तालमेल थियो । जस अनुसार एमालेले मेयर, राप्रपाले उपमेयर र वडा अध्यक्षहरुमा राष्ट्रिय जनमोर्चाले जिते ।
यसबाहेक अन्य स्थानमा तालमेल सफल भएको छैन । लमजुङ र तनहुँमा एमाले र माओवादीको तालमेल सफल भएन । काठमाडौं र ललितपुर नगरपालिकामा एमाले र राप्रपाको मेयर र उपमेयरमा तालमेल छ । तर उपमेयरमा उम्मेदवार नै नभएको एमालेको चुनाव चिन्हमा राप्रपाको भन्दा बढी मत आइरहेको छ ।
त्यस्तै पोखराको महानगरमा मेयरको उम्मेदवार नै नभएको माओवादी चिन्ह र चितवनमा उम्मेदवार नभएको कांग्रेसको चुनाव चिन्हमा धेरै मत आइरहेको छ ।
–कान्तिपुर दैनिकबाट
स्थानीय तह निर्वाचन मतगणना
