जेठ २३ –शेरबहादुर देउवा चौथोपटक ३८८ मत ल्याएर प्रधानमन्त्री भएका छन् । प्रधानमन्त्रीका एक्ला उम्मेदवार देउवा झण्डै दुई तिहाई मत ल्याएर प्रधानमन्त्री बनेका हुन् । उनी प्रधानमन्त्रीका एकमात्र उम्मेददार थिए । तर, संसद नियमावली अनुसार एक मात्र उम्मेदवार भएपनि निर्विरोध घोषणा गर्न नमिल्ने भएकाले चुनाव भएको थियो ।

प्रधानमन्त्रीमा निर्वाचित हुने कुल सदस्य संख्या ५९३ को बहुमत अर्थात २९७ मत प्राप्त हुनुपर्छ । देउवा सभापति रहेको कांग्रेसका २०६ सांसद, माओवादी केन्द्रका ८१, राप्रपाका ३७, फोरम लोकतान्त्रिकका १६ र फोरम नेपालका १५ सांसदको सर्मथनमा देउवा प्रधानमन्त्री भएका हुन् ।

यस्तै २४ सांसद रहेको राष्ट्रिय जनता पार्टीले पनि देउवालाई समर्थन गरेको छ ।तीन सांसद भएको नेकपा संयुक्त, एक–एक सांसद भएका अखण्ड नेपाल र समाजवादी जनता दल देउवाको उम्मेदवारीमा समर्थक नै बसेका थिए ।

संसदको दोस्रो ठुलो दल नेकपा एमाले प्रचण्ड सरकाको जस्तै देउवा सरकारको पनि प्रमुख प्रतिप्रक्षि दल भएको छ । प्रधानमन्त्री निर्वाचनमा एमालेले देउवाको विरुद्धमा मतदान गरेको थियो ।  देउवाको विरुद्धमा  १७० मत परेको थियो ।