असार २८ । भन्नलाई त सुशीला कार्कीलाई भ्रष्टाचार र अनियमितताको खरो विरोधी भनिन्छ । तर, एउटा मामिला हेरौं, जसबाट उहाँको कमलो मन छर्लंग हुन्छ । विशेष अदालतले १७ करोड ६ लाख बिगो लिनु पर्ने ठानेको मान्छेको १७ करोड ५ लाख ५० हजार आठ सय २४ रुपैयाँ मिनाहा गरेर ५० हजार मात्रै तिराउने र एक वर्ष कैद कटाउने निर्णय गरेको कसले ? कैद पनि तलकालाई थपेर निर्णयमा सही गर्नेलाई किन घटाइयो ? नेपाल प्रहरीको बहुचर्चित सुडान काण्डको कुरा हो यो । त्यो सामान किन्दा प्रहरी कल्णण कोषको रकम खर्च भएको छ । पछि त्यो पैसा संयुक्त राष्ट्र संघले शोधभर्ना गरेको छ ।

यस हिसाबले हेदौ विशेष अदालतले गरेको एउटा फैसलाको पुनारावलोकन क्रममा सर्वोच्चले कि सबैलाई सफाइ वा सबैलाइ सजाय दिनु पथ्र्यो । नीतिगत निर्णयकर्ता महानिरीक्षकहरुको हकमा एक वर्ष र छ महिनाको दरले कैद र २८ करो ४० लाख १६ हजार ६ रुपैया ७ पैसाबाट जरिवाना घटाएर तीन जनाले जम्मा १ लाख ३० हजार तिरे पुग्ने गरिएको छ ।

सि न	प्रतिवादीकाे नाम	कैद	विशेष अदालतकाे ठहर	सुशीला कार्कीले कायम गरेकाे
१	अाेम वि राणा	२ वर्ष	१७ कराेड ६ लाख	१ वर्ष कैद ५० हजार जरिवाना
२	हेम ब गुरूङ	२ वर्ष	६ कराेड ६८ लाख	१ वर्ष कैद ४० हजार जरिवाना
३	रमेश चन्द्र ठकुरी	२ वर्ष	४ कराेड ८५ लाख	१ वर्ष कैद ४० हजार जरिवाना
४	श्याम  सिंह थापा	सफाइ पाउने	धराैती फिर्ता, धिताे फुकुवा	१ वर्ष कैद ४० हजार जरिवाना
५	दीपक सिंह थाङदेन	सफाइ पाउने	धराैती फिर्ता, धिताे फुकुवा	१ वर्ष कैद ४० हजार जरिवाना
६	दीपकुमार श्रेषठ	सफाइ पाउने	धराैती फिर्ता, धिताे फुकुवा	छ महिना कैद, ३० हजार जरिवाना
७	रवि प्रताप राणा	सफाइ पाउने	धराैती फिर्ता, धिताे फुकुवा	छ महिना कैद, ३० हजार जरिवाना

–जनआस्था साप्ताहिकबाट