पहिरोले बगाउँदा ३ को मृत्यु ३ घाइते
असार १७ । तेह्रथुमको म्याङलुङ नगरपालिका ५ आमदीममा गएराती पहिरोले वगाउँदा एकै परिवारका ३ जनाको मृत्यु भएको छ ।
पहिरोमा परी अन्य तीन जना गम्भीर घाईते भएका छन् । घरमाथी वाट खसेको पहिरोले घर वगाउँदा ५० वर्षिया कुमारी लिम्वु, उनकी ९ वर्षीय नातीनी प्रिती र ७ वर्षिय नाती प्रेम लिम्वुको मृत्यु भएको हो ।
पहिरोमा परी कुमारीका भाईहरु ४० वर्षीय सोमकुमार र ३५ वर्षिय तेज कुमार लिम्वु र नातीनी १५ वर्षिय पञ्चकुमारी लिम्वु गम्भीर घाईते भएका छन् । घाईतेको सशस्त्र, नेपाल प्रहरी र स्थानीयवासीले उद्धार गरीरहेका छन् ।
