भारत प्रशासित जम्बु कश्मिरमा एक जना गोरखा सैनिकका सेनानी (मेजर)को विभत्स हत्या गरिएको छ । मारिनेमा गोरखा सैनिकका मेजर शेखर थापा रहेका छन् । उनको आफ्नै सैनिक जवानले गोली हानेर हत्या गरेका हुन् । 

भारतीय वेबसाइट न्यूज २४ ले ती सैनिक जवानले ‘मेजर थापाले आफूलाई मोबाइलमा धेरै कुरा गरेकाले हपारेकाले रिसको झोंकमा हत्या गरेको’ बताएको उल्लेख गरेको छ । मोबाइलमा धेरै कुरा नगर्न चेतावनी दिएर फर्केका मेजरमाथि उनले अन्धाधुन्द रुपमा गोली प्रहार गरेको र मेजर थापाको घटनास्थलमै मृत्यु भएको सो वेबसाइटले उल्लेख गरेको छ ।

सो वेवसाइटका अनुसार, उनीमाथि पाँच राउन्ड गोली प्रहार गरिएको थियो । गोली चलाउने जवानलाई गिरफ्तार गरी अनुसन्धान थालिएको छ ।