मन्त्रीपरिषद् विस्तारको तयारी तिव्र, आजै सपथ खुवाउने तयारी
साउन ९ । प्रधानमन्त्री शेरबहादुर देउवाले मन्त्रिपरिषद् विस्तारको तयारी तिव्र पारेका छन् । काँग्रेस केन्द्रीय समितिको बैठक सकिना साथ प्रधानमन्त्री देउवाले मन्त्रिपरिषद् विस्तार गर्ने तयारी गरेका हुन् ।
सत्तारुढ घटक नेकपा माओवादी केन्द्रका अध्यक्ष पुष्पकमल दाहालले प्रधानमन्त्री देउवासँग पटक–पटक भेट गरी तत्काल मन्त्रिपरिषद् विस्तार गर्न दबाब दिइसकेका छन् ।
जवाफमा प्रधानमन्त्री देउवाले जारी केन्द्रीय समिति बैठक सकिनासाथ मन्त्रिपरिषद् विस्तार गर्ने बताएका छन् । सम्भवतः आजै कांग्रेस केन्द्रीय समिति बैठक सकेर बेलुकासम्म मन्त्रिपरिषद् विस्तार हुने कांग्रेस केन्द्रीय सदस्य डा. प्रकाशशरण महतले जानकारी दिए ।
सत्तारुढ दुई दल कांग्रेस र माओवादी केन्द्रबीच कांग्रेसले १३ र माओवादीले ९ मन्त्रालय लिने सहमति यसअघि नै गरिसकेका छन् । माओवादीले भने सरकारमा सहभागी हुने ६ जनाको नाम टुंगो लगाइसकेको छ ।
