चीनमा बाढी पहिरो, दुईको मृत्यु २५ बेपत्ता
गोन्जाउ (चीन) । चीनको गोन्जाउ प्रदेशअन्तर्गत पर्ने ठाउँमा सोमबार गएको पहिरोमा परी कम्तीमा दुईको मृत्यु हुनुको साथै अन्य २५ जना बेपत्ता भएका छन् ।
स्थानीय समयाअनुसार बिहान १०ः४० मा झाङ्गजीआवानका गएको पहिरोमा परी कम्तीमा ३४ वटा घर प्रभावित भएको बेइजिङ प्रचार विभागले जनाएको छ । उद्धारकर्ताले पहिरोबाट चार जनालाई जीवितै उद्धार गरेका छन् भने दुई जनाको शव निकालेका छन् । अरु २५ जना अझै पनि हराइरहेकाले खोजी भइरहेको अधिकारीहरुले बताएका छन् ।
नागरिक सहायतासम्बन्धी स्थानीय अधिकारीले त्रिपाल, कपडा र ओच्छ्यानहरु घटनास्थलतर्फ पठाएका छन् ।
