साउन २१ । काठमाडौंको नयाँ बानेश्वरमा शनिबार बिहान सवारी साधनको ठक्करबाट एक बटुवाको मृत्यु भएको छ । 

एभरेष्ट होटल अगाडिको फराकिलो सडकमा सवारी साधनको लेनमा बटुवाको मृत्यु भएको हो । बिहान पौने पाँच बजे भएको सो घटनामा मृतकको परिचय खुल्न सकेको छैन । नयाँ वानेश्वर वृत्तका डिएसपी नारायण चिमरियाले भने, ‘सवारी साधनले ठक्कर दिएको हो । सिसिटिभी फुटेज हेरर अुनसन्धान गर्दैछौं । फुटेजमा ती बटुवा सडकको डिभाइडरको यता उता हल्लिदै गरेको देखिन्छ ।’

प्रहरीले मृतकको शवलाई एम्बुलेन्समा हालेर लगेको थियो ।