दीपबहादुर घर्ती

काठमाडौं । जाजरकोटको बारेकोटमा ढाढखोला तर्ने क्रममा सोमवार बेपत्ता भएका एक जना मृत अवस्थामा फेला परेका छन् । बारेकोट गाँउपालिका १ रामीडाँडाका ५० बर्षिय धनबहादुर बुढा मंगलवार मृत अवस्थामा फेला परेका हुन् ।

खोलामा पुल नभएकोले तर्ने क्रममा उनलाई बेपत्ता बनाएको प्रहरीले जनाएको छ । स्थानिय बासिन्दा र प्रहरीले खोजी गर्दा खोला तर्न खोजेको ठाँउ भन्दा दुई सय मिटर तल लास भेटिएको हो ।

स्थानिय लिम्सा प्राथमिक स्वास्थ्य केन्द्रमा चिकित्सक नहुँदा दुई दिनको पैदल बोकेर लासको पोष्टमार्टमका लागी सदरमुकाम खलंगा ल्याउने तयारी भैरहेको स्थानिय कालीप्रसाद थापाले जानकारी दिए । पोष्टमार्टम गर्ने पर्ने कानुनी बाध्यताका कारण लासलाई अफ्ठयारो बाटोमा दुई दिन पैदलै बोकेर स्थानिय ल्याउन बाध्य भएको थापाको भनाई छ ।