उत्तर कोरियालाई तेल नदिन अमेरिकाको नयाँ प्रस्ताव, किमको सम्पत्ति फ्रिज गरिने
काठमाडौं। उत्तर कोरियाले हाइड्रोजन बमसहितको परमाणु परीक्षण गरेपछि अमेरिकाले नयाँ प्रतिबन्ध लगाउने प्रस्ताव गरेको छ ।
अमेरिकाले उत्तर कोरियाली नेता किम जोङ उनको सम्पत्ति फ्रिज गर्ने तथा उत्तर कोरियामाथि इन्धन प्रतिबन्ध लगाउने प्रस्ताव संयुक्त राष्ट्र संघको सुरक्षा परिषद्मा पेश गरेको हो ।
प्रस्तावमा उत्तर कोरियामा इन्धन पठाउन बन्द गर्ने तथा उत्तर कोरियाबाट कपडा निर्यात बन्द गर्ने उल्लेख छ ।
यस्तै नेता किमको सम्पत्ति फ्रिज गर्ने र उनलाई भ्रमण गर्न नपाउने गरी प्रतिबन्ध लगाउने प्रस्ताव पनि गरिएको छ । अमेरिकाले प्रस्ताव गरेको नयाँ प्रतिबन्धलाई रुस र चीनले साथ दिनेमा भने शंका छ । दुवै देशले उत्तर कोरियमा इन्धन पठाउँदै आएका छन् ।
