काठमाडौँ । संसदको सुशासन तथा अनुगमन समितिका सभापति मोहनसिंह राठौरले राजनीति फोहरी खेल नभएर राजनीतिकर्मी फोहरी भएको बताएका छन् । 

संवाद डबलीमा रसाइली बन्धु एकता समाजद्वारा आयोजित शुभकामना तथा बधाई कार्यक्रममा सभापति राठौरले भने, “राजनीति आफैँमा फोहरी खेल होइन, राजनीतिकर्मी फोहरी छन् । राजनीतिबिना राज्य र नागरिकको कल्पना गर्न सकिँदैन, त्यसैले राजनीति अनिवार्य छ तर छलछाम र झुटको राजनीति होइन ।” 

संस्थाको नयाँ कार्यसमितिलाई बधाई दिँदै सभापति राठौरले जातीय विभेदविरुद्ध लाग्न समाजलाई आग्रह गरे । 

कार्यक्रममा सांसद् जगदिश्वर नरसिंह केसीले देशमा गणतन्त्र आईसकेका कारण जातकै कारण कसैले हिनताबोध गर्नु नपर्ने बताए । सबैले पार्टीमा आस्था राखेपनि सामाजिक कार्यमा एकजुट भएर लाग्नुपर्नेमा उनले जोड दिए । 

हालै गठन भएको समाजको कार्यसमितिका सहअध्यक्षमा चित्रबहादुर रसाईली, उपाध्यक्ष मनिषा सुनार रसाइली, महासचिव मेखबहादुर रसाइली, कोषाध्यक्ष शेरबहादुृर सुनार र सचिव भीमबहादुर विक छन् । 

त्यसैगरी, सदस्यहरूमा अमृत सुनार, जीतमाया विश्वकर्मा, ताराकुमारी विश्वकर्मा, भीमबहादुर रसाइली, महेशकुमार रसाइली, कमलबहादुर विश्वकर्मा र सुरेश विक छन् ।

Nepali Politics mohan singh rathore