दशैंको लागि उपत्यका बाहिर जाने लामो दुरीका बसको अग्रिम टिकट बुकिङ भाद्र २७ गतेबाट खुल्ला हुने भएको छ ।

यातायात व्यवस्था विभाग र यातायात व्यवसायी शनिबार भएको छलफलपछि २७ गते देखि अग्रिम टिकट खुल्ला गर्ने सहमति भएको हो । बैठकमा यात्रुले लान पाउने सामान तथा बाटोको अबस्थामा बिषयमा पनि छलफल भएको थियो ।

यसअघि यातायात व्यबसायीले भाडा बढाउन र छतमा यात्रु राख्न पाउनुपर्ने माग गर्दै टिकट बुकिङ गर्न आनाकानी गर्दै आएपछि बिभागले इजाजत रद्दसम्म गरिदिने चेतावनी दिएको थियो ।

यातायात व्यबस्था बिभाग महानिर्देशक रुपनारायण भट्टराइले बिभागले तोकेको सिमाभित्रै रहेर यातायात व्यवसायी अग्रिम टिकट खुल्ला गर्न सहमत भएको जानकारी दिए । उनले नारायणघाट मुग्लीन सडकखण्ड पनि २८ गतेदेखि २४ घण्टानै खुल्ने जानकारी दिएका छन् ।

यातायात व्यबस्था बिभागले शुक्रबारदेखि १० वटा अनुगमन टोली खटाएको छ । टोलीले बढी भाडा लिए, सिटभन्दा बढी यात्रु राखे, गाडीको मोडल परिवर्तन गरेर चलाए र रुट इजाजत नलिइ चलाएको भेटिए कानुन अनुसार ५ हजार जरिवानादेखि इजाजत रद्दसम्म गरिदिने चेतावनी दिइसकेको छ ।

dashain pre-booking