अपडेटः व्यवसायी हत्यामा संलग्न तीन पक्राउ
भक्तपुरमा माटो व्यवसाय सीताराम सैंजूको हत्यामा संलग्न तीन जनालाई भक्तपुर महानगरीय प्रहरीले पक्राउ गरेको छ ।
आज बुधबार माटो व्यवसायी चाँगुनारायण नगरपालिका–९ ताथली बस्ने ५५ वर्षीय सैंजूको शव भक्तपुर नगरपालिका–९ ब्रह्मायणीमा घोप्टो परेको अवस्थामा भेटिएका थिए ।
पक्राउ परेका तीन जनामाथि अनुसन्धान सुरु गरिएको प्रहरी परिसर भक्तपुरका प्रवक्ता प्रहरी नायब उपरीक्षक कृष्ण प्रसाईंले जानकारी दिएका छन् । शव परीक्षणका लागि शिक्षण अस्पताल महाराजगञ्ज पठाएर घटनाको थप अनुसन्धान शुरु गरिएको उनले बताए ।
प्रहरीको प्रारम्भिक अनुसन्धानमा ढुंगाले हानेर हत्या गरेको आशंका गरेको बताउँदै मृतकको टाउकोको पछाडि गम्भीर चोट लागेको जानकारी दिए ।
