न्युयोर्क । अमेरिकको न्यूयोर्क सिटीस्थित ट्रम्प टावरमा आगलागी भएको छ । ट्रम्प टावरको रुफ टममा धुवाँको मुस्लो देखिएपछि अग्नि नियन्त्रकले आगो निभाइरहेको अन्तर्राष्ट्रिय समाचार माध्यमले जनाएका छन् ।

विद्युतीय बाकसमा आएको खराबीका कारण आगो लागेको अग्नि नियन्त्रक विभागले जनाएको छ । अहिलेसम्म मानवीय क्षति नभएको अन्तर्राष्ट्रिय सञ्चारमा माध्यमले उल्लेख गरेका छन् ।

अमेरिकाका ४५ औँ राष्ट्रपतिको नामले राखिएको उक्त टावरमा ट्रम्पको संगठनको अफिस रहेको छ । उनले राष्ट्रपतिको निर्वाचनका लागि त्यही टावरमा गरिएको मिटिङबाट टिकेट पाएका थिए ।

५८ तलाको ट्रम्प टावरलाई ट्रम्पले आफ्नो राष्ट्रपतिय चुनावको योजना र भेटघाट बनाएका थिए । अहिले टावरमा लागेको आगो निभाउनका लागि ८४ जना अग्नि नियन्त्रकले काम गरिरहेका छन् ।