काठमाडौं । नेपाल विद्यालय कर्मचारी युनियन र नेपाल अस्थायी शिक्षक संघर्ष केन्द्रीय समितिले आफ्ना माग पूरा गराउन आन्दोलनमा उत्रिएका कारण सामुदायिक विद्यालयको पठनपाठन प्रभावित हुँदै आएको छ । 

 

 

कर्मचारी युनियनले असोज ५ गतेदेखि काठमाडौंमा रिले अनशन गरिरहेको छ भने नेपाल अस्थायी शिक्षक संघर्ष समितिले सोमबार र मंगलबार दुई दिन देशभरका सामुदायिक विद्यालय बन्द गर्ने घोषणा गरेको छ ।

 

 

 

 शिक्षक र कर्मचारीको पटक–पटकको आन्दोलनले विद्यार्थीको पढाइमा प्रभाब परेको छ । सरकारले विद्यालय कर्मचारीको तलब रु दुई हजारदेखि एघार हजारसम्म तोकेकेर विद्यालय कर्मचारीको भविष्यमा खेलबाड गरिएको भन्दै रिले अनसन शुरु गरिएको युनियनका अध्यक्ष कमलप्रसाद खतिवडाले बताउए । 

 

 

 

युनियनले काठमाडौंमा यही असोज २ देखि ५ गतेसम्म आन्दोलन गरेपनि सरकारले बेवास्ता गरेको आरोप लगाउँदै उनले यी शिक्षकको पदपूर्ति नगरिएको भन्दै अस्थायी शिक्षक संघर्ष समितिले दुईदिन देशभरका सामुदायिक विद्यालय बन्द आह्वान गरेकाले ८० प्रतिशत सामुदायिक विद्यालय बन्द रहेको अस्थायी शिक्षक संघर्ष समितिका संयोजक वेद अधिकारीले जानकारी दिए । 

 

 

शिक्षक संगठनले अस्थायी शिक्षकलाई परीक्षामा सहभागी गराइ अहिले भएकामध्ये ७५ प्रतिशतलाई उत्तीर्ण गराउनुपर्ने भनिएकामा शिक्षक सेवा आयोगले २५ प्रतिशतलाई मात्र उत्तीर्ण गराएको संठनका अध्यक्ष हेमनाथ चौलागाईंले जानकारी दिँदै आफ्ना माग पूरा नगरे थप सङ्घर्ष जारी राख्ने चेतावनी दिए । 

 

 

 

हाल नेपालमा एक लाख सात हजार शिक्षकमध्ये ३० हजार अस्थायी कोटामा छन् । सरकारले शिक्षकको सुरक्षा नगरी विद्यालयको भविष्य सुनिश्चित हुन्छ भन्नु गलत रहेको सङ्गठनको ठहर छ । त्यस्तै देशभर ४० हजार राहत शिक्षक १५ हजार विद्यालय कर्मचारी र १० हजार शिशु स्याहार शिक्षक कार्यरत छन् । 

नेपाल विद्यालय कर्मचारी युनियन नेपाल अस्थायी शिक्षक संघर्ष