कैलालीमा ट्रयाक्टर दुर्घटना हुँदा दुइजनाकाे मृत्यु
धनगढी । कैलालीको बर्दगोरिया गाउँपालिका-२ मा ट्रयाक्टर दुर्घटना हुँदा दुइजनाको मृत्यु भएको छ । दुर्घटनामा घाइते भएका एक जनाको बर्दगोरिया अस्पतालमा उपचार भइरहेको छ ।
से १ त ३९६९ नम्बरको ट्रयाक्टर दुर्घटना हुँदा बर्दगोरिया १ का अन्दाजी ४० वर्षीय डागु चौधरी र सुरज कठरियाको मृत्यु भएको प्रहरीले जनाएको छ ।
दुर्घटनामा सोही ठाउँका २० वर्षीय भिम कठरिया घाइते भएका छन् । उनको अवस्था सामान्य रहेको छ । ट्रयाक्टर ढुङ्गा बोकेर फाल्ले बिसौनाबाट बर्दगोरिया १ मुडातर्फ आइरहेको थियो ।
इलाका प्रहरी कार्यलय बौनियाका प्रमुख कलेन्द्र विक्रम शाहीका अनुसार प्रारम्भिक अनुमानमा ट्रयाक्टरको ब्रेकफेल भइ ओरालोमा ब्रेक नलाग्दा ट्याक्टर दुर्घटना भएको बुझिएको छ ।
