काठमाडौं । नेपाल प्रहरीमा एक जना अतिरिक्त महानिरीक्षक (एआइजी) नियुक्त भएका छन् ।  नेपाल प्रहरी अस्पतालकी प्रमुख डाक्टर दुर्गा थापालाई प्राविधिकतर्फको एआइजी नियुक्त भएकी हुन् ।

 

 

उनलाई आइतबार साँझ बसेको मन्त्रिपरिषद् बैठकले एआइजीमा नियुक्त गरेको हो । गृह मन्त्रालयले उनलाई असोज २४ गते एआइजीमा बढुवा सिफारिश गरेको थियो।

 

कुनै बेला नेपाल प्रहरीमा १६ जनासम्म एआइजी थिए । गत जेठमा सरकारले प्रहरीमा अप्राविधिकतर्फ तीन जनामात्र एआइजी राख्ने निर्णय गरेको थियो।

 

सोहीअनुरूप गृह मन्त्रालयले भदौ २६ गते पुष्कर कार्की, ठूले राई र धिरू बस्नेतलाई एआइजीका लागि सिफारिश गरेको थियो। तीनै जना एआइजीले गत असोज ७ गते दर्ज्यानी चिन्ह लगाएका थिए।  

डा. दुर्गा थापा एआइजीमा नियुक्त