दाङ । पश्चिम दाङमा प्रहरी जवानमाथि खुकुरी प्रहार भएको छ । खुकरी प्रहारबाट इलाका प्रहरी कार्यालय खिलतपुरमा कार्यरत प्रहरी जवान चन्द्रप्रकाश वली सहित स्थानिय पुतली रोका र विशाल रोका पनि घाइते भएका छन् ।

 

इलाका प्रहरी कार्यालय खिलतपुरका प्रहरी निरीक्षक डाक्टरप्रसाद चौधरीले, 'प्रहरी जवान वलीको टाउकोमा ८ वटा टाका लगाइएको जानकारी दिए । यस्तै पुतली र विशाललाई सामान्य चोट लागेको बताए ।

 

खुकुरी प्रहार गरेको आरोपमा शान्तिनगर गाउँपालिका २ अमुवा निवासी २५ वर्षका चन्द्र भन्ने जीवन परीयार, सोही ठाउँ निवासी २० वर्षका नैनसिंह नेपाली, २२ वर्षका सुकलाल नेपाली र १६ वर्षका वीरबहादुर नेपालीलाई प्रहरीले नियन्त्रणमा लिएको छ ।

 

आरोपीको साथबाट खुकुरी, बञ्चरो, खुर्पा लगाएतका घरेलु हतियार बरामद गरिएको छ । प्रहरीले आरोपीलाई ज्यानमार्ने उद्योग सम्बन्धी मुद्दा चलाउने तयारी गरेको छ ।

पश्चिम दाङ प्रहरी जवानमाथि खुकुरी प्रहार