भारतीय दूतावास अगाडि प्रदर्शन गर्ने मानवअधिकारवादी पक्राउ
काठमाडौं । भारतीय दूतावास अगाडि प्रदर्शन गर्ने मानअधिकारवादी नेताहरुलाई प्रहरीले पक्राउ गरेको छ ।
पक्राउ पर्नेमा एम्नेष्टि इन्टरनेशनल नेपालका अध्यक्ष बिक्रम ढुकुछु र महासचिव कर्ण कुवँर लगायतका मानवअधिकारवादी नेताहरुरहेका छन् ।
शुक्रबार काठमाण्डौस्थित भारतीय राजदूतावास अगाडि प्रर्दशन गर्ने क्रममा एमनेष्टीका नेताहरुलाई प्रहरीले पक्राउ गरेको हो।
पक्राउ परेका अध्यक्ष ढुकुछु लगायतका नेताहरुलाई प्रहरीले महानगरीय प्रहरी वृत लैनचौरमा राखेको छ ।
एम्नेष्टि इन्टरनेशनल इन्डिया लगायतका मानवअधिकार तथा परोपकारी सामाजिक संस्थाहरुमाथि भारत सरकारका अधिकारीहरुले गरेको हस्तक्षेपको संसारभरका एम्नेष्टिकर्मीहरुले विरोध गरिरहेका छन्।
भारतीय सरकारी अधिकारीहरु र प्रधानमन्त्री नरेन्द्र मादीले मानवअधिकार सम्बन्धित कामहरु दवाउन खोजेको एम्नेष्टिले आरोप लगाएको छ।
गत कार्तिक ८ मा भारतीय सुरक्षा निकाय इन्फोर्समेन्ट डाइरेक्टोरेटले एम्नेष्टि इन्डियाको बैंक खाता रोक्का गरेको थियो। बैंक खाता रोकिएपछि मानवअधिकार शिक्षा सम्बन्धि कामहरु प्रभावित भएका छन्।