प्रधानमन्त्री ओली र नेतृ सुकीबीच भेटवार्ता
काठमाडौं । प्रधानमन्त्री केपी शर्मा ओली र म्यानमारकी नेतृ आङ साङ सुकीबीच भेटवार्ता भएको छ ।
एसिया प्यासिफिक समिटमा सहभागी हुन बिहीबार नेपाल आएकी सुकी र प्रधानमन्त्री ओलीबीच होटल अन्नपूर्णमा भेटवार्ता भएको हो । यसअघि शुक्रबार बिहान मात्रै उनले राष्ट्रपति विद्यादेवी भण्डारीलाई भेटेकी थिइन् ।
प्रधानमन्त्री ओली र सुकीबीचको भेटमा द्विपक्षीय हितलगायत विषयमा कुराकानी भएको प्रधानमन्त्रीको सचिवालयले जनाएको छ ।