नेपालगञ्ज । बाँकेको कोहलपुरमा कार र मोटरसाइकल ठोक्किदा दुईजनाको मृत्यु भएको छ । बा ६ च ८२९९ नम्बरको कारले भे ८ प २४६६ नम्बरको मोटरसाइकललाई ठक्कर दिँदा मोटरसाइकलमा सवार दुईजनाको मृत्यु भएको हो ।

 

इलाका प्रहरी कार्यालय कोहलपुरका प्रवक्ता प्रहरी निरीक्षक मानबहादुर बिसीका अनुसार, दुर्घटनामा परेर बर्दिया ठाकुरबाबा नगरपालिका–१, भुरीगाउँका काशीचन्द्र न्यौपाने र ठाकुरबाबा नगरपालिकाका ईन्द्रप्रसाद भट्टराईको मृत्यु भएको छ ।

 

दुवैजनाको घटनास्थलमै मृत्यु भएको थियो । मृतक नातामा ज्वाई–जेठान हुन् । कोहलपुर साझा अगाडि जेब्रा क्रसिङ्गमा कारले मोटरसाइकललाई ठक्कर दिएको थियो । तीव्र गतिमा आएको कारले मोटरसाइकललाई ठक्कर दिँदा मोटरसाइकल ६० मिटर पर पुगेको थियो । न्यौपाने र भट्टराईलाई प्रहरीले तत्कालै मेडिकल कलेज पु¥याएपनि मृत्यु भइसकेको थियो ।

 

कार सिद्धार्थ ग्रुपको हो । मृतकको शव कोहलपुर मेडिकल कलेजमा राखिएको छ । आफन्तले बुझेका छैनन् । इलाका प्रहरी कार्यालय, कोहलपुरमा बसेर दुवै पक्षले छलफल थालेका छन् । मृतक परिवारले ९० लाख रुपैयाँ मागेको स्रोतले बतायो ।

ज्वाईँ–जेठानको मृत्यु कार र मोटरसाइकल ठोक्किदा