कञ्चनपुर । जिल्लाको बेदकोट नगरपालिकामा ट्याक्टर दुर्घटना भएको छ । दुर्घटनामा परी २ जनाको ज्यान गएको छ । यस्तै, दुर्घटनामा १३ जना घाइते भएका छन् । घाइतेमध्ये ६ जनाको अवस्था गम्भीर रहेको छ । 

 

 

दुर्घटनामा बेदकोट नगरपालिका ४ का ३५ वर्षीया राजु भनिने राजेन्द्र नागरि र सोही ठाँउका ३२ वर्षीया प्रेमसिंह धामीको ज्यान गएको हो ।

 

 

दुर्घटनामा गम्भीर घाइते भएका लीप भण्डारी, दीपक धानुक, अनु धानुक, भक्तबहादुर महरा, प्रकाश जोशी र गोविन्दसिंह जाग्रीलाई थप उपचारका लागि धनगढी रिफर गरिएको जिल्ला प्रहरी कार्यालय कञ्चनपुरका प्रवक्ता कृष्णराज ओझाले बताए ।

 

 

ट्याक्टरले कुखुरा बोकेको गाडीलाई ठक्कर दिएपछि ओभरटेक गरेर अगाडि रोकिपछि दुर्घटना भएको दुर्घटनामा घाइते भएका दयानन्द भट्टले बताए । ट्याक्टरलाई ठक्कर दिने गाडीका चालक प्रेमसिंह बोहरालाई नियन्त्रणमा लिएको ओझाले बताए । 

 

 

गाउँलेको मलामी गएर फर्किदै गरेको से १ त ५४२२ नम्बरको ट्याक्टरलाई कुखुरा बोकेको  म १ च ३११ नम्बरको गाडीले ठक्कर दिएपछि दुर्घटना भएको हो ।

कञ्चनपुर ट्याक्टर दुर्घटना