काठमाडौं । नियमित स्वास्थ्य परीक्षणका लागि प्रधानमन्त्री केपी शर्मा ओली महाराजञ्जस्थित मनमोहन कार्डियोथोरासिक भास्कुलत एन्ड ट्रान्स्प्लान्ट सेन्टरमा पुगेका छन्। नियमित फलोअप र इसिजी चेक गर्न बालुवाटारमा सम्भव नभएपछि अस्पताल लगिएको प्रधानमन्त्रीको निजी चिकित्सक डाक्टर दिव्या सिंहले बताइन्। 

 

सिंहले भनिन्,' साढे तीन बजे अस्पताल पुगेर इसिजी चेक गरेर उहाँ फर्किसक्नु भएको छ। स्वास्थ्यमा समस्या आएर अस्पताल लगिएको हैन।' अस्पातलमा  प्रधानमन्त्री ओली  करिब १५ मिनेट जति बसेका थिए।

 

यसअघि पनि प्रधानमन्त्री ओली छातीमा संक्रमण भएका कारण पाँच दिन शिक्षण अस्पताल परिसरमा रहेको मनमोहन कार्डियोथोरासिक भास्कुलत एन्ड ट्रान्स्प्लान्ट सेन्टरमा भर्ना भएका थिए। पाँच दिनको उपचारपछि उनी डिस्चार्ज भएका थिए।