एजेन्सी । अमेरिकाका ४१ औं राष्ट्रपति जर्ज हर्बर्ट वाकर बुश (जर्ज एच.डब्लू बुश) को ९४ वर्षको उमेरमा निधन भएको छ ।

शुक्रबार राती पारिवारका प्रवक्ता जिम म्याकगार्थले जारी गरेको वक्तव्यमा बुशको मृत्युबारे जानकारी दिइएको हो ।

उनका छोरा जर्ज डब्ल्यू बुश अमेरिकाका ४३ औं राष्ट्रपति हुन् । पूर्व राष्ट्रपतिका छोरा जर्ज डब्लू बुशले भने– ‘९४ वर्षको उमेरमा हाम्रा अतिप्रिय बुवाको निधनले जेब, निल, मार्भिन, डोरो र मलाई निकै दुःखी तुल्याएको छ ।’ बुशको मृत्यु उनकी ७३ वर्षे श्रीमती बारबराको निधन भएको केही महिना पछि भएको हो ।