बिह भोज खाएर सुतेका तीन जना मृत फेला
रुकुम । बिहे भोज खाएर सुतेका तीन व्यक्त मृत फेला परेका छन् । रुकुम पश्चिम मुसिकोट नगरपालिका १२ जुम्लाबाङमा बिहे भोज खाएर आइतबार राति सुतेका तीनजना सोमबार बिहान मृत फेला परेका हुन् ।
बिहे भोज खाएर मुसिकोट नगरपालिका ११ का ४८ वर्षीय कमानसिंह सार्की, सानोभरी गाउँपालिका ९ का ६३ वर्षीय खम्मु कामी र मुसिकोट नगरपालिका १२ का २१ वर्षीय पल बहादुर बिकको मृत्यु भएको हो। उनीहरू स्थानीय अमर बिकको छोराको बिहेको भोज खान त्यहाँ पुगेका थिए ।
भोज खायर सुतेका उनीहरू बिहान मृत फेला परेको जिल्ला प्रहरी कार्यालयले जनाएको छ । घटनाबारे स्थानीयले जानकारी गराएपछि जिल्ला प्रहरी प्रमुख सुमित खड्का नेतृत्वको प्रहरी टोली नै अनुसन्धानको लागि घटना स्थलमा पुगेर अनुसन्धान सुरु गरेको छ । उनीहरूको मृत्यु के कारणले भएको भन्ने बारे अनुसन्धानपछि मात्रै भन्न सकिने प्रहरीको भनाइ छ ।
