एसिया प्यासिफिक समिटमा १३ करोड खर्चियो सरकारले
काठमाडौं । विवादास्पद एसिया प्यासिफिक समिटमा करिक १३ करोड रुपैयाँ सरकारी बजेट खर्च भएको छ । युनिभर्सल भिस फेडेरेसनले मंसिर दोस्रो साता गरेको सम्मेलनमा १२ करोड ८५ लाख रुपैयाँ खर्च भएको हो ।
अर्थमन्त्रालयका अनुसार सडक टालटुलका लागि १० करोड, सुरक्षा कार्यका लागि २ करोड ३० लाख र सरकारका तर्फबाट भएको द्विपक्षीय वार्ता तथा उच्च अधिकारीको स्वागतका लागि ५५ लाख रुपैयाँ खर्च भएको हो ।
सो रकम क्रमशः भौतिक पूर्वाधार तथा यातायात मन्त्रालय, गृह र परराष्ट्र मन्त्रालयका नामा निकासा भइसकेको अर्थका एक अधिकारीले कान्तिपुर दैनिकलाई बताएका छन्। 'सबै निकायबाट ३२ करोडको माग भएको थियो', उनले भने, 'तर माग गरेअनुसार बजेट निकासा भएन ।'
