काठमाडौं । शहीद स्मारक ए डिभिजन लिग अन्त्र्तगत शनिबार भएको खेलमा संकटा क्लबले च्यासल युथ क्लबलाई हराएको छ । चौथो जित हात पार्ने क्रममा संकटाले च्यासललाई २–१ गोलले हरायो ।

 

 

हलचोकस्थित एपीएफ मैदानमा भएको खेलमा संकटालाई जित दिलाउनका लागि अमित तामाङ र विदेशी खेलाडी इलियन म्याक्सवेलले गोल गरे ।  खेलको २३औं मिनेटमा अमितले पेनाल्टीमा गोल गर्दै संकटालाई अग्रता दिलाएका थिए । 

 

 

च्यासलका खेलाडीले डिबक्सभित्र ह्याण्ड गरेपछि पाएको पेनाल्टीलाई अमितले गोलमा परिणत गरेका थिए । त्यसपछि पहिलो हाफमो दुवै पक्षबाट कुनै गोल हुन सकेन । 
दोस्रो हाफको तेस्रो मिनेटमा संकटाले गोल गर्दै अग्रता दोब्बर बनायो । संकटाका लागि इलियन म्याक्सवेलले गोल  गरे । 

 

 

दुई गोलले पछि परेको च्यासलले दोस्रो हाफमा भने खेलमा फर्किने कोशिस ग¥यो । उसका लागि खेलको ८७ औं मिनेटमा सन्तोष साहुखलले गोल गरे । तर, बराबरीको लागि उक्त गोल पर्याप्त हुन नसक्दा च्यासलले खेल हार्न पुग्यो । 

 

यसअघि तीन खेलमा जीत र एक खेलमा हार व्यहोरेको संकटा शनिबारको जितसँगै १२ अंक जोड्दै अंक तालिकाको तेस्रो स्थानमा उक्लिएको छ ।  च्यासल भने चार अंक सहित आठौं स्थानमा छ । च्यासल भने चार अंक सहित आठौं स्थानमा छ ।