काठमाडौं ।  सिरहाको औरही गाउँपालिका–३ कडहर्वामा बुधबार बिहान ट्र्याक्टर दुर्घटनामा एक युवकको मृत्यु भएको छ । 

 

खेतमा हलो जोत्ने क्रममा स १ त ५७५२ नम्बरको ट्र्याक्टरबाट लडेर स्थानीय २६ वर्षीय दिनेश यादवको मृत्यु भएको प्रहरीले जनाएको छ । यादवको घटनास्थलमै मृत्यु भएको जिल्ला प्रहरी कार्यालय सिरहाले जनाएको छ । 
 

प्रहरीका अनुसार मृतक यादवको शव परीक्षणको लागि जिल्ला अस्पताल सिरहामा राखिएको छ । ट्र्याक्टरको चालक फरार रहेकाले खोजी   भइरहेको छ  ।