काठमाडौं ।  अष्ट्रेलियामा सुरु भएको बिग ब्यास क्रिकेट लिगको डेब्यु खेलमा नेपाली खेलाडी सन्दीप लामिछानेले उत्कृष्ट बलिङ गरेका छन्। जारी खेलमा सन्दीपले एकै ओभरमा दुई विकेट लिएका हुन्। 

 

मेलबर्न स्टार्सका सन्दीपले सिड्नी थन्डरका कप्तानसहित दुई भेट्रान खेलाडीलाई पवेलियन फर्काएका हुन्। उनले व्यक्तिगत पहिलो ओभरमा नै दुई विकेट लिएका हुन्। खेलको आठौँ ओभरमा बलिङ गर्न आएका

 

सन्दीपले दोस्रो बलमा कप्तान शेन वाट्सन र अन्तिम बलमा क्यालुम फर्गुशनलाई आउट गरेका हुन्। सन्दीपको बलमा शेन वाट्सन २२ रनमा क्याच आउट भए भने फर्गुशन १५ रन बोल्ड आउट भए। उनले पहिलो ओभरमा तीन रन मात्रै खर्चेर दुई विकेट लिएका थिए। सन्दीपले चार ओभरमा दुई विकेट लिएर ३६ रन दिएका थिए। सन्दीपले खेलिरहेको टीम मेलवर्न स्टार्सलाई सिड्नी थन्डरले १८१ रनको लक्ष्य दिएको छ।

सिड्नी थन्डरले ५ विकेट गुमाएर उक्त लक्ष्य प्रस्तुत गरेको हो। खेल वर्षाका कारण रोकिएको छ।