काठमाडौं ।  अल्जेरियाली तटमा शुक्रबार एउटा डुङ्गामा आगलागी हुदाँ २० आप्रवासी बेपत्ता भएका छन् । 

अल्जेरियाका सञ्चारमाध्यमका अनुसार डुङ्गामा २९ आप्रवासी यात्रु सवार थिए ।

घटनापछि तत्कालै उद्धारमा जुटेका स्थानीय, तालिमप्राप्त गोताखोर र सुरक्षाकर्मीले घटनास्थलबाट नौ जनालाई उद्धार गरेका छन् । ती मध्ये दुई जना बालबालिका रहेका छन् । 

उद्धारगरिएकाहरु मध्ये केहीलाई आगोले डडाएकोले सामान्य घाइते लागेको अधिकारीहरुले बताएका छन् । 

 

उद्धार गरिएकाहरुलाई पश्चिमी अल्जेरियाको एउटा अस्पतालमा उपचार गराइएको छ । 
 डुङ्गामा सवार सबै जना अल्जेरियका हुन् । आगलागी भएपछि यात्रुहरू उफ्रिएर भागेका थिए । आगो के कारणले लाग्यो भन्ने अहिले सम्म एकीन हुन सकेको छैन ।