काठमाडौं । शहीद स्मारक ए डिभिजन लिग फुटबलमा थ्रीस्टार क्लबले बराबरी  खेलेको छ । 

 

एपीएफ मैदान हलचोकमा शनिबार भएको खेलमा थ्रीस्टार र च्यासल युथ क्लबले गोलरहित बराबरी खेलेको हुन् । बराबरीसँगै १ अंक जोडेको थ्रीस्टारले लिग तालिकामा २३ अंक पुर्याएको छ । 

खेलको १९ औं मिनेटमा च्यासलका लागि सन्तबहादुरले गोल गर्ने मौका पाए पनि त्यसको सदुपयोग गर्न सकेनन् । यता खेलको २१ औं मिनेटमा थ्रीस्टारका लागि अनिल गुरुङले पनि गोल गर्ने सुन्दर मौका खेरा फालेका थिए ।  
 

दोस्रो हाफमा थ्रीस्टार केहि आक्रमक देखिए पनि गोल भने गर्न सकेन । खेलको ५९औं मिनेटमा थ्रीस्टारको प्रहारलाई च्यासलको डिफेन्सलाइनले क्लियर गरेको थियो ।

दुवै हाफमा आक्रामक मुभ बनाए पनि गोल गर्न नसक्दा दुवै टिमले अंक बाँडेका थिए । बराबरीसँगै च्यासल तालिकामा १४ अंक सहित शेर्पालाई पछि पार्दै छैटौं स्थानमा पुगेको छ ।