काठमाडौं । जुवातास खेलिरहेको अवस्थामा महानगरीय प्रहरी परिसर काठमाडौंले सात जनालाई पक्राउ गरेको छ । 

 

परिसरबाट खटिएको विशेष टोलीले काठमाडौं महानगरपालिका–२६ ठमेलमा भोजराज सिलवालको जस्ताको टहरामा जुवातास खेलाइरहेको अवस्थामा चार लाख ९७ हजार ८३५ नगदसहित सात जनालाई पक्राउ गरेको हो ।

 

परिसरका प्रवक्ता एवं प्रहरी नायब उपरीक्षक होवीन्द्र बोगटीले जुवातास खेलाइरहेको गोप्य सूचनाका आधारमा एक बुक ताससहित सात जनालाई नियन्त्रणमा लिएको जानकारी दिए ।