धरहरा पुनर्निर्माणको लागि काठमाडौं महानगरले सक्दो सहयोग गर्ने (भिडियाे सहित)
काठमाडौं । धरहरा पुनर्निर्माणको शिलान्यास भएको छ । आज बिहिबार विशेष कार्यक्रमको आयोवजनामा प्रधानमन्त्री केपी शर्मा ओलीले धरहराको शिलान्यास गरेका हुन् । उक्त समारोहमा काठमाडौं महानगरपालिकाका मेयर विद्यासुुन्दर शाक्यले नेपालले लामो समयपछि ऐतिहासिक क्षण पाएको बताए । तोकिएको समयवधिमा धरहरा पूर्ननिर्माण हुने काम सकिने विश्वस्त रहेको र यसको लागि काठमाडौं महानगपालिकाले स्थानिय सरकारको तर्फबाट गर्नुपर्ने आवश्यक सहयोग गर्ने पनि बताए ।
अब पटक पटक भत्किने होइन नभत्किने धरहार बन्ने उनले जनाए । बलियाे धरहरा नबन्दा विगतमा धेरैले ज्यान गुमाउनुपरेको र अब त्यस्तो अवस्था आउन नदिने पनि उनले बताए । बलियो र मौलिक धरहरा बन्ने हुँदा महानगरीबासीको तर्फबाट पूर्ण रुपमा सहयोग गर्ने प्रतिबद्धता उनले जनाएका छन् ।
