काठमाडौं । शहीद स्मारक ए डिभिजन लिग अन्र्तगत आइतबार भएको खेलमा फ्रेण्ड्स क्लबले मच्छिन्द्र क्लबमाथि सहज जित हात पारेको छ । 

 

 

सातदोबाटोस्थित एन्फा कम्प्लेक्समा भएको खेलमा फ्रेण्ड्सले मच्छिन्द्र क्लबलाई ३–० ले हरायो । यो सँगै फ्रेण्ड्स क्लबको लिगमा पहिलो जित हो । पहिलो जित दिलाउने क्रममा फ्रेण्ड्सलागि विदेशी खेलाडी फोफाना ब्राहिमान, संजोग महर्जन र अनिल महर्जनले एक एक गोल गरे ।

 

 

पहिलो हाफमा भने दुवै टीमबाट कुनै गोल हुन सकेन । खेलको दोस्रो हाफको करिब १५ मिनेटसम्म पनि दुवै टोलीबाट गोल हुन सकेन र बाँकी रहेको समयमा भने फ्रेण्डस क्लबले गोल ग¥यो । खेलको  ६५औं मिनेटमा ब्राहिमानले गोल गर्दै फ्रेण्ड्सलाई अग्रता दिलाए । उनले फ्रिकिकमा उत्कृष्ट गोल गरे ।

 

 

खेलको ८४औं मिनेटमा संजोग महर्जनको उत्कृष्ट प्रहार गोलमा परिणत भएपछि फ्रेण्ड्सले अग्रता दोब्बर बनायो ।  इन्ज्युरी समयको पाँचौं मिनेटमा अनिल महर्जनले गोल गरेपछि फ्रेण्ड्सले समग्रमा तीन शुन्य गोल अन्तरको जित आफनो पक्षमा पा¥यो ।

 

अघिल्लो चार खेलमा तीन पराजय र एक बराबरीको नतिजा निकालेको फ्रेण्ड्सले तालिकामा चार अंक जोडेको छ । मच्छिन्द्र भने अझै पनि जितविहीन छ । उसले दुई खेल बराबरी खेल्दै २ अंक जोडेको छ ।

तस्विरः एन्फा