पोखरा । डिप्रेसनबाट पीडित एक महिलालले पोखरामा पुलबाट हामफालेर आत्महत्या गरेकी छन् ।

 

पोखरा महानगरपालिका–३० भलाम र द्वीप जोड्ने कालीखोलाको झोलुङ्गे पुलबाट हाम फालेर ३५ वर्षीया विष्णु कार्कीले आत्महत्या गरेकी हुन् । स्याङ्जाको फेदीखोला घर भएकी कार्की माइती घर बस्दै आएकी थिइन् ।

 

पुलबाट हामफालेकी उनी १ सय मिटर तल खेतमा मृत अवस्थामा फेला परेको प्रहरीले जनाएको छ ।

 

शनिबार विहान करिव ८ बजे भएको उक्त घटनाबारे जानकारी प्राप्त हुनासाथ वडा प्रहरी कार्यालय बगरको टोलीले उनको शब पत्ता लगाएको थियो ।
प्रहरीका अनुसार, निज महिलालाई डिप्रेशनको समस्या थियो ।