लाइभ टिभिमै सान पोलाकको च्यातियो पाइन्ट, भाइरल भयो भिडियो
एजेन्सी । पाकिस्तान र साउथ अफ्रिकाबीच सेन्चुरियनमामा भइरहेको बाक्सिङ डे टेस्टको तेस्रो दिन एउटा यस्तो घटना घट्यो जसले दर्शक अचम्मित बने र घटनापछि सेन्चुरियनमा रहेका दर्शकले आफ्नो हाँसो रोक्न सकेनन् । घटना थियो लाइभ टिभीका बीचमै साउथ अफ्रिकाका पूर्वचर्चित बलर शान पोलाकको पाइन्ट च्यातिनू ।
उक्त म्याचमा 'एक्सपट'को भूमिका निभाइरहेका शान पोलाकले लन्च टाइममा पूर्वकप्तान ग्रीम स्मिथसँग टेस्ट म्याचका बारेमा चर्चा गरिरहेका थिए । त्यसै बेला उनलाई एउटा बल क्याच गर्ने टास्क दिइयो । बल क्याच गर्ने चक्करमा पोलाकको पाइन्ट च्यातियो । त्यसबेला ग्रीम स्मिथ र शान पोलाक स्लिपमा क्याच गर्ने तरिकाका बारेमा कुरा गरिरहेका थिए, त्यसै बेला मार्क निकोलसले पोलाकतर्फ एउटा बल फ्याँकेका हुन् ।
उनी बल क्याच गर्नै लागेका थिए, उनको पाइन्ट च्यातियो र उनी अक्क न बक्क भए, ग्रीम स्मिथ र मार्क निकोलस खित्का छोडेर हाँस्न लागे, सेन्चुरियनमा रहेका सबै दर्शकको हाँसो छुट्यो । उनलाई मैदानबाट बाहिर आउनका लागि तौलियाको सहायता लिनु पर्यो । उक्त घटनाको भिडियो अहिले सामाजिक सञ्जालमा भाइरल भइरहेको छ । उक्त घटनापछि पोलाकले आफ्नो पाटेको पाइन्टको भिडियो सामाजिक सञ्जालमा शेयर गरे, जसमा ग्रीम स्मिथले आफ्नो प्रतिक्रिया दिएका छन् ।
शान पोलाक
