अचम्मको ब्याग सुरक्षा
प्रायः महिलालाई आफ्नो ह्यान्ड ब्याग निकै प्यारो हुन्छ । तर यतिसम्म प्यारो होला कि आफ्नो ह्यान्ड ब्याग एक्स रे मेसिनमा छिर्दा आफू पनि सँगै त्यहीँ जानुपरोस् ।
दक्षिण चीनमा एउटा यस्तै घटना भयो । एउटा रेल्वे स्टेसनमा एउटी महिला गएको आइतबार अर्थात् ११ फेब्रुअरीका दिन सुरक्षा जाँचका लागि एक्स रे स्किनरसँगै मेसिनभित्र छिरिन् ।
उक्त घटनाको भिडियो अहिले पूरै चीन र सोसल मिडियाभरि भाइरल बनेको छ ।
भिडियोमा एउटी महिला एक्स रे मेसिनबाट बाहिर निक्लिरहेकी देख्न सकिन्छ । त्यसबखत आआफ्नो सामानको व्यवस्था गरिरहेका तमाम यात्री ट्वाल्ल परेर उनलाई हेरिरहेका थिए ।
उक्त ह्यान्ड ब्यागको सामान कसैले लैजान्छ कि भन्ने डरले आफूले त्यसो गरेको ती महिलाले बताएकी छन् ।
साथै सो घटनापछि चीनका कतिपय पुरुषले महिलाहरु आफ्नो ज्यानभन्दा पैसालाई बढी माया गर्छन् भनेर खिल्लीसमेत उडाएका थिए ।
