लालबाबुकी पत्निले आँखाको डिलमै आँशु अड्याएर भनिन्ः चित्त बुझेन जनसंख्या मन्त्रालय (भिडियो)
लालबाबुको बिहेका लमी थिए माधव नेपाल, शेरधन राई र अष्टलक्ष्मी
काठमाडौं । नवनियुक्त मन्त्री लालबाबु पण्डित मोरङमा कांग्रेस नेता शेखर कोइरालासँग चुनावी प्रतिष्पर्धा गरिरहँदा ‘को हो लालबाबु म चिन्दिन’ भन्दै शेखरले सतही टिप्पणी गरेछन् ।
लालबाबुले शेखरलाई चुनावमा हराएपछि मिठाइ लिएर साइकलमै शेखरको घर जाने निधो गरेका थिए । यसले के थाहा हुन्छ भने लालबाबु पण्डित बाहिर जति सामान्य देखिन्छन् उनको वास्तविक जीवन पनि उस्तै सरल छ ।
सामान्य प्रशासनमन्त्री हुँदा निकै चर्चा कमाएका उनी फेरि मन्त्री बनेका छन् । मन्त्री बन्नुअघि काठमाडौंको तीन कुनेस्थित दुई वटा साना कोठामा उनको तीन जनाको परिवार बस्दैआएको थियो ।
श्रीमतिको हातः
‘हरेक पुरुषको सफिलतामा महिलाको हात हुन्छ’ भने झैँ लालबाबुको सफलताको पछाडि पनि उनकी श्रीमतिको हात पक्कै छ ।
बिमला महत पण्डित हो उनको नाम । एक्ली छोरीको केयर लालबाबुले नभ्याउँदा उनैले गर्छिन् । खासमा बिमला र लालबाबुको बिबाहको प्रसंग रोचक छ ।
लालबाबु पण्डित जनसंख्या मन्त्रीको रुपमा नियुक्त भएलगत्तै नेपालआज टीमले उनकी पत्नि बिमलासँग पनि अनानैपचारिक वार्ता गरेको थियो ।
पहिलोपटक भएको अन्तरवार्तामा बिमलाले आफूहरुका रोचक प्रसंग सुनाइन् । साथै उनी भावुक भएर अहिलेसम्म नखुलेका कुरा पनि हामीलाई सुनाएकी छन् ।
मधेस र पहाडको मिलन
पहाडी मूलकी बिमलालाई मधेसका लालबाबुसँग बिबाह गर्न परिवारबाट अप्ठ्यारो थियो नै । बिबाहको दिन उनी एक्लै पार्टी कार्यालयमा आएर लालबाबुसँग बिबाह गरेकी थिइन् ।
कालो वर्णका लालबाबु, गोरी बिमला, अग्ली बिमला, होचो कदका लालबाबु । यस्ता थुप्रै असमानताबीच उनीहरुको बिबाह सम्पन्न भएको थियो ।
लमी माधव नेपाल
लालबाबुको बिबाहका लमी एमाले नेता माधव नेपाल, प्रदेश नम्बर १ का मुख्यमन्त्री शेरधन राई र नेत्री अष्टलक्ष्मी शाक्य हुन् भन्ने धेरैलाई थाहा नहोला ।
बिमलाका अनुसार ती नेताको पहलमा मागी बिबाह भएको थियो । जनवादी प्रकृतिको बिबाह बल्खुस्थित पार्टी कार्यालयमा सम्पन्न भएको थियो ।
प्रेमबिबाह जस्तो भनिए पनि खासमा यो मागी बिबाह नै थियो । सुरुमा त लालबाबुसँग बिहे गर्न हच्किएकी थिइन् रे बिमला । पछि नेताहरुको आग्रहपछि बिबाह सम्भव भयो ।
लालबाबुको सरलताबाट प्रभावित
बिमला खासमा लालबाबुको सोझोपन, इमान्दार र सरलताबाट प्रभावित भएको बताउँछिन् । त्यसैले त उनको परिवार राजी नभए पनि स्व निर्णय गरेकी थिइन् ।
साथै उनी आफ्नो बिहेमा आफैँ अभिभावक बनेर बल्खु पार्टी कार्यलयमा उपस्थित थिइन् । उनी आफैँले टीका तयार गरिन्, माला उनिन्, साधारण बनारासी सारी लगाइन् र बिबाह कार्यक्रममा उपस्थित भइन् ।
यसरी उनीहरुको बिबाह रोचक रुपमा जनवादी तरिकाले सम्पन्न भएको थियो । बिबाह अस्विकार गरेरै होला सायद बिमला अहिले पनि माइतीबारे खुलेर बोल्न चाहन्नन् ।
नयाँ मन्त्रालयबारे गुनासो
बिमला आफ्नो श्रीमान लालबाबु गृहमन्त्री बनेको हेर्न चाहन्थिन् । देशको सुरक्षा अवस्था कमजोर रहेकाले पनि सोही मन्त्रालयमा उपयुक्त पात्र भएको उनको बुझाइ हो ।
जनसंख्या तथा वातावरण मन्त्रालय उनका लागि काम गर्ने मन्त्रालय नभएको उनको गुनासो छ । अर्थात् यो उनको स्पिरिट अनुसारको मन्त्रालय होइन ।
त्यसोत आमा जनताले पनि लालबाबुलाई प्रभावशाली मन्त्रालय दिनुपर्ने सुझाव सामाजिक संजालबाटै पठाएका छन् । यद्यपि मन्त्रालय फेरबदल हुनसक्ने भन्दै आशावादी छन् बिमला ।
