काठमाडौं । नेत्रविक्रम चन्द विप्लव नेतृत्वको नेपाल कम्युनिष्ट पार्टी (नेकपा)ले आह्वान गरेको नेपाल बन्दको प्रभाव आंशिक रुपमा परेको छ । उक्त बन्दका कारण अन्य दिनको तुलनामा काठमाडौं उपत्यकामा आज बिहान कम गाडी चलेका छन् ।

 

सडकमा छिटफुट रुपमा यातायात चलेपनि शिक्षण संस्था भने बन्छ छन् । विराटनगर, पोखरा, बुटवल, दाङ, सुर्खेतमा बन्दको प्रभाव सामान्य परेको बताइएको छ । तर  सबै कलकारखाना र शैक्षिक संस्थाहरू  भने बन्द रहेका छन् । यस्तै हेटाैँडामा भने एउटा प्रेसकुकर बम फेला परेकाे छ । उक्त बमलार्इ नेपाली सेनाले डिस्पाेज गरेकाे छ । 

 

प्रहरीले अाफ्ना नेता कार्य पक्राउ गरेको विरोधमा नेकपाले अाज नेपाल बन्दकाे आह्वान गरिएको हाे । नेकपा निकट राष्ट्रिय युवा जनस्वयंसेवक संगठनको तेस्रो महाधिवेशनमा हस्तक्षप गर्दै अाइतबार प्रहरीले स्थायी समिति सदस्य हेमन्तप्रकाश ओलीसहित ३० भन्दा बढी नेता कार्यकर्तालाई पक्राउ गरेको थियाे ।