पर्यटन बोर्डका पूर्व प्रमुखसहित तीन जना दोषी ठहर, ८० लाख विगोसहित सात वर्ष कैद
काठमाडौं । विशेष अदालतले नेपाल पर्यटन बोर्डको भ्रष्ट्राचार प्रकरणमा बोर्डका पूर्वप्रमुख कार्यकारी निर्देशक सुवास निरौलासहित ३ जनालाई दोषी ठहर गरेको छ ।
सो प्रकरणमा अदालतले फैसला सुनाउँदै बोर्डका पूर्वप्रमुख कार्यकारी निर्देशक निरौला, लेखा शाखा प्रमुख अनिलकुमार दास र वल्र्ड वाइड ट्राभलका महेन्द्र खनाललाई दोषी ठहर गरेको हो ।
२३ जनाविरुद्ध अख्तियार दुरुपयोग अनुसन्धान आयोगले मुद्दा दायर गरेकोमा २० जनालाई भने विशेषले सफाइ दिएको छ ।
दोषी ठहर गर्दै विशेष अदालतले निरौलालाई ७ वर्ष कैदसँगै ८० लाख ५१ हजार ३ सय बिगो र ५४ लाख ५९ हजार ७ सय जरिवाना तिराउन फैसला गरेको छ । त्यस्तै लेखा शाखा प्रमुख दासलाई ६ वर्ष कैदसँगै ५० लाख २९ हजार ५४ हजार बिगो तथा २४ लाख ३७ हजार ४ सय जरिवाना गरेको छ भने खनाललाई एक लाख ५४ हजार बिगो तिराउने फैसला सुनाएको छ ।
विशेष अदालतका अध्यक्ष बाबुराम रेग्मी, न्यायाधीशहरु द्वारिकानाथ जोशी र नारायणप्रसाद पोखरेलको इजलासले यस्तो फैसला सुनाएको हो ।
अख्तियार दुरुपयोग अनुसन्धान आयोगले पर्यटन बोर्डमा करिब एक अर्ब भ्रष्टाचार भएको दाबी गर्दै २०७१ चैत २० गते मुद्दा दायर गरेको थियो ।
