काठमाडाैं । प्रधानमन्त्री केपी शर्मा ओलीले सोमबार मन्त्रिपरिषद् विस्तार गरेका छन् । प्रधानमन्त्री ओलीले एमाले र माओवादी केन्द्रका दुई-दुई जना मन्त्री थप गरेका हुन् ।  विस्तारित मन्त्रिपरिषद् ७ सदस्यीय भएको छ । फागुन ३ गते प्रधानमन्त्रीसँगै लालबाबु पण्डित र थममाया थापाले शपथ लिएका थिए ।

 

प्रधानमन्त्री अाेलीले रक्षा मन्त्रालय एमाले महासचिव ईश्वर पोखरेल, अर्थमन्त्रालय एमालेकै डा युवराज खतिवडा, गृहमन्त्रालय माओवादी केन्द्रका रामबहादुर थापा र उद्योग, वाणिज्य तथा आपूर्ति मन्त्रालय माओवादीकै मातृका यादवलार्इ जिम्मा दिएका हुन् । राष्ट्रपति विद्यादेवी भण्डारीले सोमबार चारै जना मन्त्रीलाई शपथ खुवाइन् ।