फार्इल तस्बीर

चितवन । नारायणगढ मुग्लिन सडक अन्तर्गत भरतपुर महानगरपालिका २९ स्थित गाईघाटमा बिहिबार (आज) बिहान साढे ५ बजे कन्टेनरसँग ठोकिएर दूध बोक्ने ट्यांकर त्रिशूली नदीमा खस्दा दुई जनाको मृत्यु भएको छ ।

नारायणगढबाट पोखरा जाँदै गरेको बा ४ ख ६९५३ नम्बरको दूध बोकेको ट्यांकरलाई विपरीत दिशाबाट आएको ना ७ ख ४३१४ नम्बरको ट्रकसँग ठक्कर खाएको थियो । ट्यांकर सडकबाट एकसय मिटर तल त्रिशूली नदीमा खसेको र पानीमा थोरै भाग मात्र देखिएको चितवन प्रहरीले जनाएको छ ।

मृत्यु हुनेमा ट्यांकर चालक र सहचालक रहेको प्रहरीले जनाएको छ । सशस्त्र प्रहरी, जनपथ प्रहरी र स्थानीयको सहयोगमा शव निकालिएको थियो । मृतकमध्ये चालक नवलपरासीका सन्तकुमार कुमालको सनाखत भएको जिल्ला प्रहरी कार्यालयका सई प्रभुप्रसाद ढकालले जानकारी दिए ।