काठमाडौं । यूएस–बंगला विमान दुर्घटनाको कारण नागरिक उड्डयन प्राधिकरणभित्रै तरंग पैदा भएको छ । पर्यटन मन्त्रालयले प्राधिकरणका उच्च पदाधिकारीलाई स्परिष्टकरण सोध्ने बुझिएको छ ।

 

सोमबार दुर्घटनापछि नै अन्तर्राष्ट्रिय विमानस्थलस्थित टावर एयर ट्राफिक कन्ट्रोलर (एटिसी)का ६ जना कर्मचारीहरुलाई अर्कै विभागमा सरुवा गरिएको छ ।

 

एटिसी र विमानको ककपिटबीच भएको गोप्य संवाद सार्वजनिक भएपछि नै नागरिक उड्डयान प्राधिकरणले कर्मचारीलाई सरुवा गरेको हो । प्राधिकरणले भने कर्मचारीहरुलाई मानसिक तनाव हुनसक्ने भन्दै सरुवा गरिएको बताएको छ ।

 

सोमबार दुर्घटनापछि भने एटिसी र ककपिटबीचको गोप्य संवाद विश्वभर फैलिएको छ । आधा घण्टा बढी लामो उक्त अडियो ह्याक गरिएको हुनसक्ने अनुमान छ । जहाँ एटिसीका कर्मचारी र पाइलटबीच संवाद छ ।

 

सामान्यतः यस्ता अडियो सार्वजनिक गर्न नहुने भनी कर्मचारीलाई कडा नियम लगाइएको हुन्छ । तर यसअघि पनि विभिन्न कम्पनीका संवाद सार्वजनिक हुने गरेका छन् ।

 

पाइलटसँग यस्ताे संवाद भएकाे थियाेः